फायदेशीर दुग्धव्यवसायाचा ए-टू-झेड कोर्स

टेप्लूमध्ये आम्ही दुग्धव्यवसायाचा उत्कृष्ट ऑनलाइन अभ्यासक्रम तयार केला आहे. आपणास स्वतःचा डेअरी फार्म सुरू करायचा असेल किंवा आपल्या विद्यमान डेअरी फार्मचा विस्तार करायचा असेल तर आपल्याला यशस्वी बनविण्यासाठी येथे योग्य मार्गदर्शन मिळेल. शेतकर्‍यांना व्यवसायात भेडसावणाऱ्या व्यावहारिक समस्यांचा विचार करून वैज्ञानिक डेअरी फार्मचा हा आपला कोर्स काळजीपूर्वक तयार करण्यात आला आहे. दुग्ध उद्योगातील उत्तम तज्ञ आणि नामांकित पशुवैद्यकीय डॉक्टर आपल्यासाठी डेअरी फार्मिंगचा एक कोर्स तयार करण्यासाठी एकत्र आले आहेत.

टेपलूचे ऑनलाइन अभ्यासक्रम आयव्हीआरआयने (IVRI) उद्योजकांसाठी फायदेशीर म्हणून ओळखले आहेत. IVRI (भारतीय पशुवैद्यकीय संशोधन संस्था), ही आशियातील पशुवैद्यकीय आणि प्राणी विज्ञानावरील प्रमुख संस्था आहे. अधिक माहितीसाठी, येथे क्लिक करा.

या ऑनलाइन कोर्समधून आपण काय शिकणार?

फायदेशीर डेअरी फार्म स्थापित करणे आणि त्याचे व्यवस्थापन करणे ही एक कला आणि विज्ञान दोन्ही आहे. यशस्वी डेअरी फार्मने शेतकर्‍यांचे भविष्य बदलले आहे आणि वर्षानुवर्षे त्यांच्या संपत्ती मध्ये वाढ केली आहे. दुग्धव्यवसाय हा बहुतेकदा निसर्गाचा अनियमितपणा आणि खाद्य व चाऱ्याच्या किंमतींमधील चढ-उतार यांच्या अधीन असतो.

आजारांचा परिणाम फक्त जनावरांच्या आरोग्यावर होत नाही तर डेअरी फार्मचा नफा व जनावरांची उत्पादनक्षमता यांवरही होतो. दुग्धव्यवसायात शास्त्रोक्त पद्धतीने व्यवस्थापन केल्यास शहरातील काही नोकऱ्यांमध्ये मिळणाऱ्या उत्पन्नाच्या बरोबरीचे उत्पन्न आपल्याला आपल्या डेअरी फार्ममध्ये मिळते. सर्वात महत्वाचे म्हणजे तुम्हाला उद्योजक बनण्याची संधी मिळते व आपण आपले स्वातंत्र्य उपभोगू शकतो.

दुग्धव्यवसायाच्या या ऑनलाइन अभ्यासक्रमामधून आपल्याला सर्वात महत्वाच्या अशा अकरा विषयांबद्दल शिकायला मिळेल. यामध्ये आपण आपला डेअरी फार्म यशस्वी करण्यासाठी विविध वैज्ञानिक प्रक्रिया व तंत्रज्ञान यांचा नियोजनपूर्वक वापर कसा करायचा हे शिकाल.

स्वच्छ दूध निर्मिती – अँटीबायोटिक व अफलाटोक्सिनमुक्त दूध कसे तयार करावे, त्याचबरोबर अजून काही तांत्रिक गोष्टी शिकून आपण विकत असलेल्या दुधाची किंमत वाढवून मिळवा.

दुधाळ जनावरांची निवड - आपल्या दुग्धव्यवसायासाठी आवश्यक असलेल्या सर्वोत्तम जनावरांची खरेदी करण्याची कला व तांत्रिक माहिती शिका.

पशूंचे आरोग्य व आजार व्यवस्थापन - आपल्या गोठ्यामध्ये आजारांनी प्रवेश करू नये म्हणून दुभत्या जनावरमधील आजार व्यवस्थापन या विषयामध्ये स्वतःला परिपूर्ण बनवा.

दुभत्या जनावरांच्या गोठ्याची संरचना - यशस्वी गोठ्यांची रचना कशी असते हे शिका व विविध प्रकारच्या गोठ्यांचे नकाशे व आराखडा मिळवा.

वासरू व कालवडींचे व्यवस्थापन -“आजचे वासरू हे उद्याची गाय असते.” वासरू व कालवडींमध्ये शरीरवाढीचा चांगला दर मिळविण्यासाठी आणि पुनरुत्पादनात चांगली कामगिरी होण्यासाठी त्यांचे संगोपन कअसे करायचे हे शिका.

दुभत्या जनावरांचे पोषण – आपल्या डेअरी फार्ममधील नफा किंवा तोटा याचा आपण जनावरांना काय खायला देतो याच्याशी प्रत्यक्ष संबंध असतो. आपला नफा वाढविण्यासाठी जनावरांना काय आहार द्यावा हे शिका.

जनावरांचे पोषण या विषयावरील प्रगत अभ्यासक्रम – आपल्या डेअरी फार्मसाठी स्वतःचे आहाराचे सूत्र बनविण्यास शिका. शास्त्रोक्त पद्धतीने चारा व खुराकाची निवड करणारा एक्का बना. व स्वतःचे टी एम आर बनविण्यास शिका.

पैदास आणि पुनरुत्पादन समस्या – चांगला गर्भधारणा दर मिळवण्याचा आणि दुग्धजन्य प्राण्यांची पुढची पिढी तयार करण्यामागील विज्ञान जाणून घ्या.

दुभत्या जनावरमधील स्तनदाह /मस्टायटीस – दुग्धव्यवसायामध्ये सर्वसामान्यत: सर्वात जास्त दिसून येणारा आजार ज्यामुळे दूध उत्पादकांचे मोठे आर्थिक नुकसान होते. स्तनदाह किंवा मस्टायटीस हा आजार रोखण्याच्या तंत्रज्ञानात पारंगत व्हा.

रोग निदान आणि प्रयोगशाळेच्या कार्यपद्धती – रोगाच्या यशस्वीपणे प्रतिबंधासाठी त्याची ओळख आणि वेळेवर निदान आवश्यक आहे. प्रयोगशाळेच्या प्रक्रियेबद्दल जाणून घ्या जेणेकरून आपण पशुवैद्यकीय डॉक्टरांद्वारे आपल्या प्राण्यांचे वेळेवर उपचार करू शकाल.

डेअरी फार्मचे व्यावसायिक नियोजन – यांत्रिक पद्धतीचा वापर, आपल्या गोठयातील नुकसान कसे कमी करावे. अर्थसहाय्य कसे मिळवावे. विक्री व विपणन व्यवस्था कशी असावी, आणि अशा बऱ्याच गोष्टी ज्यातूमच्या डेअरी फार्मला यशस्वी व्यवसायात रूपांतरित करतील, हे सर्व आपण या विषयांत शिकुया.

भ्रूण हस्तांतरण तंत्रज्ञान - भ्रूण हस्तांतरण तंत्र हे एक ईटीटी तंत्र आहे ज्याद्वारे दाता मादी गायीकडून भ्रूण गोळा केले जातात आणि प्राप्तकर्त्या मादी गायीकडे हस्तांतरित केले जातात.तुमच्या डेअरी फार्म मध्ये उत्तम प्रजनन करण्यासाठी आणि डेअरी फार्मचा नफा वाढवण्यासाठी या ऑनलाइन अभ्यासक्रम मध्येसामील व्हा.