स्वच्छ दूध निर्मिती

आपल्या कुटुंबासाठी व ग्राहकांसाठी स्वच्छ आणि सुरक्षित दुधाची निर्मिती करणे हेच दूध उत्पादक शेतकऱ्यांचे मुख्य ध्येय असले पाहिजे. स्वच्छ दूध म्हणजे ते केवळ आरोग्यदायीच नव्हे तर त्यामध्ये प्रतिजैविके,अफ़्लाटॉक्सिन, कीटकनाशके इ. सारख्या अपायकारक घटकांचा अंतर्भाव असता कामा नये. मानवी आरोग्यास इजा पोचवणाऱ्या विविध प्रतिजैविकांचा अंश, विषारी द्रव्यांचे दुधामधील प्रमाण किंवा दुधामधील भेसळ इ. घटकांपासून आपल्या दुधाचे संरक्षण करणे अत्यंत महत्वाचे आहे. आजकाल समाजघटकांमध्ये आणि ग्राहकांमध्ये याच मुद्द्यांवर जनजागृती होत असल्याने पुढे जाऊन स्वच्छ आणि सुरक्षित दुधाची मागणी बाजारात जोर धरणार आहे हे नक्की.

दुधाच्या गुणवत्तेवर विशेष भर देणारे शेतकरी तसेच व्यावसायिक या उद्योगात नेहमीच अग्रेसर राहून यशस्वीरीत्या आज प्रगतीपथावर आहेत. त्यांनी वेळोवेळी उच्च प्रतीच्या दुधाची निर्मिती करण्यावर भर दिला. व ते आपल्या जनावरांसाठी विविध कल्याणकारी प्रयोग राबवून आपल्या दुधाचे बाजारामध्ये एक वेगळे स्थान निर्माण करण्यात आज यशस्वी होताना पहायला मिळत आहेत. अफ़्लाटॉक्सिन सारखे विषारी अंश विविध मार्गांनी दुभत्या जनावरांच्या रक्तवाहिन्यांमध्ये शिरतात जिथून ते आहे तसे दुधामध्ये उतरतात. हे किंवा यासारखे घटक हे केवळ मानवी आरोग्यासाठीच नव्हे तर ते आपल्या जनावरांच्या आरोग्यासाठी देखील अत्यंत हानिकारक आहेत. संशोधनाअंती असे आढळून आहे कि ज्या दुभत्या जनावरांच्या चाऱ्यात अफ़्लाटॉक्सिन विषद्रव्याचा अंश आढळून आलेला आहे त्या जनावरांच्या दूध उत्पादनात 25 टक्क्यांपर्यंत घसरण झाली आहे.

त्यामुळे जर आपणदेखील असे शेतकरी किंवा दूध उत्पादक व्यावसायिक असाल जे आपल्या जनावरांच्या बाबतीत वेळोवेळी सर्व प्रकारची काळजी घेत आहेत परंतु तरीदेखील आपणास म्हणावे तसे दूध उत्पादन मिळत नाही उलटपक्षी जनावरांच्या विविध प्रकारांच्या आरोग्यविषयक समस्यांना सामोरे जावे लागत आहे तर याचे मुख्य कारण म्हणजे विविध मार्गांनी त्यांच्या शरीरामध्ये होणाऱ्या विषारी घटकांचा शिरकाव होय.

टेप्लू मध्ये आम्ही हेच मुद्दे समोर ठेऊन स्वच्छ दूध उत्पादन हा ऑनलाइन कोर्स आपल्याकरिता तयार केला आहे. दूध व्यवसायांमध्ये कार्यरत असणाऱ्या सर्वोत्तम तज्ज्ञांची मदत हा कोर्स तयार करतेवेळी घेतली असून चित्रफितींद्वारे सर्व व्यावहारिक आणि वैज्ञानिक तंत्रांची माहिती उलघडून सांगितली आहे.

भेटा आपल्या प्रशिक्षकांना