डेअरी पोषणाविषयी प्रगत अभ्यासक्रम

दुभत्या जनावरांना संतुलित आहार मिळावा यासाठी कोणते पशुखाद्य व चारा द्यावा व किती प्रमाणात द्यावा असा प्रश्न नेहमी विचारला जातो. तुम्ही जेव्हा प्राण्यांना त्यांचे वजन व दूध देण्याची पातळी यानुसार आवश्यक ती पोषकद्रव्ये देता तेव्हा तुम्हाला कमीत कमी खर्चात जास्त दूध उत्पादन मिळते. तुम्ही डेअरी पोषणाविषयीच्या या प्रगत अभ्यासक्रमात दुभत्या जनावरांच्या आयुष्यातील विविध टप्प्यांसाठी संतुलित आहार कसा तयार करायचा हे शिकणार आहात.

हा डेअरी पोषणाविषयीचा प्रगत अभ्यासक्रम पोषणाविषयीच्या प्राथमिक अभ्यासक्रमापेक्षा कसा वेगळा आहे, असे तुम्हाला वाटेल. पोषणाविषयीचा प्राथमिक अभ्यासक्रम पोषणाच्या विविध पैलूंची माहिती देतो व तुम्हाला दुभत्या प्राण्यांच्या आहाराविषयी ढोबळ नियम सांगतो, तर प्रगत अभ्यासक्रमात दुभत्या जनावरांसाठी आहाराची सूत्रे कशी मोजावीत व तयार करावीत हे तुम्हाला शिकवले जाते. याचाच अर्थ असा होतो की तुमच्याकडे वेगवेगळ्या प्रकारचे पशुखाद्य, चारा व खनिज मिश्रणे असल्यास या अभ्यासाक्रमामध्ये तुम्हाला दुभत्या जनावरांना त्यांचे वय, वजन व दूध देण्याचा टप्पा यानुसार प्रत्येक घटक किती प्रमाणात आवश्यक आहे कसे शोधायचे हे शिकवले जाईल.

हा अभ्यासक्रम पशुखाद्य व चाऱ्यातून मिळणारी ऊर्जा, प्रथिने, न्यूटर डिटर्जंट फायबर (एनडीएफ), खनिजे इत्यादी घटकांविषयी सखोल माहिती देतो व तुम्हाला दुभत्या जनावरांच्या विविध टप्प्यांमधील पोषणविषयक गरजा कशा शोधायच्या हे शिकवतो. हे समजल्यानंतर व पशुखाद्य व चाऱ्यात कोणती पोषकद्रव्ये असतात हे माहिती असल्यावर, तुम्ही नेमके किती प्रमाणात पशुखाद्य, खनिजे व पूरक घटक द्यायचे याचे सूत्र तयार करू शकता.

टेपलूमध्ये आम्ही अशाप्रकारचा पहिलाच ऑनलाईन अभ्यासक्रम तयार केला आहे जो दुभत्या जनावरांसाठी आहार सूत्रे कशी तयार करायची हे शिकवतो. हा अभ्यासक्रम तयार करण्यासाठी डेअरी पोषण क्षेत्रातील सर्वोत्तम तज्ञांनी योगदान दिले आहे. विषय सोपा करून समजून सांगण्याच्या आमच्या तत्त्वानुसार हा अभ्यासक्रम तयार करण्यात आला आहे, म्हणून तुम्ही स्वतः आहाराची सूत्रे तयार करू शकाल. चला तर मग शिकण्याचा आनंद घ्या.

भेटा आपल्या प्रशिक्षकांना

ऑनलाईन अभ्यासक्रम यशस्वीरित्या पूर्ण केल्यावर पूर्णत्वाचे प्रमाणपत्र मिळवा

अभ्यासक्रमाची मूळ किमंत ३००० रू. सवलतीसह ५९९ रू.