वासरे आणि कालवडींचे व्यवस्थापन

या अभ्यासक्रमामुळे तुम्हाला कशी मदत होऊ शकते?

हा पाठ्यक्रमावर आधारित अभ्यासक्रम तुम्हाला शेतावर कोणत्या प्रक्रियांचे पालन करायचे हे दाखवून वैज्ञानिक व्यवस्थापन तंत्रे शिकवेल. तुमचे वासरू जन्मल्यानंतर श्वास घेत नसेल किंवा नाळेला संसर्ग झाला असेल, तर त्यांच्या जन्मापासून ते प्रौढ होईपर्यंत त्यांना सुदृढ कसे ठेवायचे याविषयी विविध तंत्रे तुम्ही शिकणार आहात. इतर तंत्रांमध्ये कानावर टॅग लावणे, शिंग कापणे, लसीकरण व जंतनाशक औषध देणे यांचा समावेश होतो.

तुम्ही वासरू सुदृढ राहावे यासाठी त्यांना काय खाऊ घालावे व कसे खाऊ घालावे हे शिकणार आहात. यात वासरू व प्रौढ दुभत्या जनावरांच्या पोटातील फरक समजून घेण्यापासून ते चीक पाजणे, दूध, दूधाला पर्याय, आहाराची सुरूवात कशापासून करावी, घन आहार देण्याच्या प्रक्रियेपर्यंत सर्व काही शिकायला मिळेल. तुम्हाला वासराचे वजन स्वतः मोजता येईल.

तुम्हाला देशी किंवा गावरान, संकरित व म्हशी इत्यादी डेअरीसाठीच्या विविध प्रकारच्या वासरांचे वजन नेमके किती असले पाहिजे व त्यांच्या वाढीचा अपेक्षित दर सांगितला जाईल. तुम्हाला वासरू व कालवडीचे वजन वाढीचे महत्त्व समजेल व वजनाचे निरीक्षण व व्यवस्थापन कसे करायचे हे शिकता येईल. तुम्हाला कालवडींसाठी योग्य आहार सूत्र कसे तयार करायचे हे शिकता येईल म्हणजे त्या योग्यवेळी वयात याव्यात यासाठी त्यांना योग्य प्रमाणात पोषण देता येईल.

वासरांना अतिसार, न्यूमोनिया यासारखे आजार झाल्यामुळे शेतातील वासरांचा मृत्यूदर वाढतो. या अभ्यासक्रमामुळे तुम्हाला वासरांचे आजार कसे ओळखायचे म्हणजे तुम्हाला पशुवैद्यकांची मदत वेळीच घेता येईल हे समजेल. तुम्ही कालवडींचे कृत्रिम रेतन कसे करायचे व त्या पहिल्यांदा दुभत्या झाल्यावर त्यांची प्रजनन क्षमता व दुग्धोत्पादन कसे वाढवायचे हेदेखील शिकणार आहात.

वासरू व कालवड व्यवस्थापनावरील हा अभ्यासक्रम पूर्ण केल्यानंतर तुम्हाला पुढील गोष्टी करता येतील:

तुमच्या शेतातील वासरांचा मृत्यू होऊ न देणे

तुमच्या वासरांना व कालवडींना योग्य पशुखाद्य देणे

वासरांची शिंगे कापणे

वासरांच्या कानाला टॅग लावणे

वासरांना वेळापत्रकानुसार जंतनाशक औषध देणे

वजन जास्तीत जास्त वाढवणे

तुमच्या कालवडी योग्य वेळी वयात येतील असे पाहणे

आत्मविश्वासाने वासरांचे आजार ओळखणे व हाताळणे

तुमच्या वासरांना यशस्वीपणे वाढवून उत्पादक प्रौढ जनावरे तयार करणे