प्रजनन व पुनरुत्पादन समबंधी समस्या

या कोर्सचा आपल्याला कशा प्रकारे उपयोग होईल?

हा कोर्स प्रजनन व पुनरुत्पादन समस्या व त्यांचे समाधान या विषयाचा आपला पाया पक्का करेल, ज्यामुळे डेअरी फार्म यशस्वीरित्या चालवण्याचे व्यवस्थापन कौशल्य आयुष्यभरासाठी आपणाला आत्मसात होईल. आपल्या फार्ममध्ये पुनरुत्पादनच्या समस्यांना प्रतिबंधित करण्यात आणि सध्याच्या घडीला पशूंमध्ये या समस्या असतील तर त्या समस्या सोडवण्यात हा कोर्स नक्कीच मदत करेल.

बाजारामध्ये आपल्याला चांगली किंमत मिळवून देणाऱ्या दुभत्या पशूंची पैदास करण्यासाठी कशा प्रकारची रेतन पद्धती अवलंबावी हे या कोर्सच्या माध्यमातून आपणाला शिकवले जाईल. दुभत्या पशूंचे जीवनचक्र, प्रतवारी, नाते संबंधातील प्रजनन, माजावर येण्याचे चक्र इ. सारख्या मूलभूत संकल्पनांपासून सुरुवात करून आपणाला पशूंच्या पुनरुत्पादनासंबंधी प्रशिक्षित केले जाईल जेणेकरून आपल्या पशुपासून दरवर्षी आपणाला एक वासरू मिळू शकेल.

दुग्ध व्यवसायामध्ये यशस्वी होण्याकरता, आपणाला कृत्रिम रेतन पद्धती, पशू माजावर येताना ओळखणे, गाभण पशू ओळखणे, पशूच्या प्रसुतीचे निरीक्षण करणे या गोष्टी शिकणे गरजेचे आहे. या कोर्सच्या माध्यमातून आपणाला एक तक्ता दिला जाईल, ज्याद्वारे आपल्या पशूंचे निरीक्षण करून नोंदी ठेवता येतील ज्यामुळेसंभाव्य प्रजननासंबंधी येणाऱ्या समस्यांच्या सूचना आणि आकलन आपणाला वेळीच होईल. यासोबतच जनावरांच्या पोटात होणाऱ्या जंतांचा प्रतिबंध कसा करावा हेदेखील शिकाल.

तसेच, पशू विण्यादरम्यानच्या किंवा संक्रमण कालावधीमध्ये घेण्यात येणारी काळजी कशी घ्यावी, पशुचा भाकड कालावधी कसा सुरू करावा याचीदेखील माहिती आपण घेऊ शकाल. दुभत्या पशूंना भेडसावणाऱ्या वंध्यत्वाच्या समस्या तसेच पुनर्र-प्रजननासंबंधी समस्या कशा सोडवाव्यात याचे कौशल्य हा कोर्स पूर्ण होताना आपल्या अंगी येतील. या कोर्सद्वारे, आपल्याला पशू सौम्य माजावर येणे, प्लासेंटा (आर.ओ.पी), मेट्रिटिस, वासरांचे गर्भातील मृत्यू या आणि अशा प्रजननसंस्थेशी निगडीत असणाऱ्या समस्या सोडण्यासाठी आपल्या पशुवैद्यकीय अधिकाऱ्यांसोबत हातभार लावण्यास प्रशिक्षित करेल.

प्रजनन आणि पुनरुत्पादन समस्यांवर आधारित हा कोर्स पूर्ण केल्यानंतर आपण खालील घटक शिकाल:

पुनरुत्पादनासाठी योग्य वळूची किंवा वीर्याची निवड करणे

आपल्या फार्ममधील पशूंच्या जवळच्या नात्यांमधून होणारे प्रजनन टाळणे

माजावर आलेला पशू ओळखणे

कृत्रिम रेतन पद्धतीचा अवलंब करण्यासाठी आपल्या पशुवैद्यकीय डॉक्टरांना वेळेवर बोलावणे

संभाव्य पुनरुत्पादन समस्यांची शक्यता होण्याअगोदरच ओळखणे

आपल्या फार्ममध्ये पुनरुत्पादन समस्या न होऊ देणे

आपल्या पशूंची विण्यापूर्वी तसेच विल्यानंतर उत्तम काळजी घेणे

प्रत्येक वर्षी पशुचे एक वेत घेणे